يا صباح / مساء الجمال
أكتشفت على آني قد ما أحب أهتم بشعري وأحب أجرب منتجات جديدة.
إلا إني قليل ما أتكلم عن الشعر بشكل عام.
و اذا كان يهمكم مواضيع الشعر وحابين أكثر منها علموني.
بالذات إن الفترة الماضية وأخيرا حسيت إني راضية عن شعري بنسبه
كبيرة
ووصلت للروتين اللي يناسبني
وعرفت كيف أعتني فيه كفاية عشان تقل مشاكله بالذات مشكلة
"الجفاف "
شعري طبيعته جافه خلقه من ربي يعني حرفيا لو أجلس إلى ٣ أيام ما يدهن
أبداً.
طبعاً أنا آغسله يوم ورى يوم (الغسل اليومي للشعر يزيد دهنية
الجذور وجفاف الأطراف).
خامه شعري ويفي فيه تموجات بسيطة ومتوسطة الكثافة.
مشكلة شعري لأنه جاف وإذا مارطبته بسهوله ينفش والتموجات تصير مو
حلوه كأنه طعجات.
الفترة الجاية بتكلم عن طريقة روتيني عنايتي بشعري
بنبسطون اللي شعرهم مثلي بتناسبهم مره
وحتى اللي شعرهم كيرلي + جاف من الصبغات والاستشوار بتناسبهم
بس أول شي بما أنه توي خلصت العلبتين من " الدراي شامبو"
قلت أبدأ فيه أول ..
الدراي شامبو أو الشامبو الجاف فكرته ببساطه نفس الشامبو العادي
لكن بدون ما نستخدم قطرة مويه!!
كيف؟
أذكر من كم سنة أول ماشفت اليوتيوبر طاحو
كنت مو متقبلة الفكرة آبد أحسهم وسخين ولا ودهم يتروشون عشان كذا
يستخدمونه.
بس بعدين لقيته عندنا وقلت أجربه من باب الفضول.
هو زي السبري للشعر وله كم استخدام :
١- ينعش فروة الراس ويخفف من منظر الدهن بالذات اللي شعرهم جاف
ويبيون ينعشون فروة الرأس ويعطي للشعر رائحة حلوة وفرش.
٢- ممكن يستخدم على شعر نظيف ومغسول عشان يعطي حجم للشعر ( بالذات
للي شعرتها خفيفة وتبي فيها حياة وماتكون لازقه)
٣- وبيناسب مره البنات اللي صابغين صبغات ملونه وتروح بسرعه مع كثر
الغسل.
وبيناسب للبنات اللي فروتهم دهنية (الغسل اليومي للشعر يزيد دهنية
الجذور وجفاف الأطراف) أفضل شي يغسل الشعر يوم ورى يوم حتى للشعر الدهني.
شوفو النتيجة قبل وبعد استخدامه للفوليوم ..
طبعا الدراي شامبو مايغني أبد عن الشامبو العادي اذا الشعر يحتاج غسل
لازم يغسل.
أنا بما أن شعري أساسا جاف قليل ما آستخدمه.
والعلبتين طولو معي حوالي سنة ونص.
طريقة أستخدامه :
ما يستخدم أبد على شعر رطب لازم جاف يكون.
نأخذ خصلة ونرش عليها من بُعد ٣٠ سم تقريباً.
بعدها نمشط الشعر لين يختفي وبس.
فيه كثير ماركات العادية زي دوف وصانصيلك طلعوا نفس الفكرة
بالنسبة للماركات جربت هالنوعين من Batiste و tresemme
batiste dry shampoo
أول دراي شامبو أنعرف وأنشهر تبع بتيست
أخذ النوع الآشهر أتوقع هو النوع الأساسي عندهم + وبريحة كرز
عندهم أنواع وراوائح كثير وأنواع بأالوان تناسب الشعر الأشقر للبني
( أنا شعري أسود وناسبني اللي بدون لون )
ينعش وريحته حلوة حبيته .
Tresemme Volumizing Dry Shampoo
هذا لاحظته يعطي فولوم أكثر من الأول.
ويعطي تثبيت خفيف للشعر مو مثل الأول.
فصرت أستخدمه إذا مصففه شعري وحابه يكون فيه فوليوم أكثر حتى إذا
كان نظيف،
وأثبت الشعر شوي للأيام العادية.
طبعا مايغني عن سبري تثبيت الشعر للي تبي تثبيت قوي للتسريحات.
أحبكم
هير افكت بلوق
Her Effect Blog
حساباتي في السوشال ميديا
twitter + instagram + snapchat = hereffect
