(My hair care routine + hair type) \ روتيني للعناية بالشعر (المنتجات المفضلة) + أنواع الشعر..

حساباتي في السوشال ميديا
تفاصيل أكثر ويوميات

twitter + instagram + snapchat = hereffect

صباح / مساء الخير

أكتشفت على آني قد ما أحب أهتم بشعري وأحب أجرب منتجات جديدة.

إلا إني قليل ما أتكلم عن الشعر بشكل عام.

و اذا كان يهمكم مواضيع الشعر وحابين أكثر منها علموني.

بالذات إن الفترة الماضية وأخيرا حسيت إني راضية عن شعري بنسبه كبيرة

ووصلت للروتين اللي يناسبني

وعرفت كيف أعتني فيه كفاية عشان تقل مشاكله بالذات مشكلة "الجفاف "

شعري طبيعته جافه خلقه من ربي يعني حرفيا لو أجلس إلى ٣ أيام ما يدهن أبداً.

طبعاً أنا آغسله يوم ورى يوم (الغسل اليومي للشعر يزيد دهنية الجذور وجفاف الأطراف).

خامه شعري ويفي فيه تموجات بسيطة ومتوسطة الكثافة.

مشكلة شعري لأنه جاف وإذا مارطبته بسهوله ينفش والتموجات تصير مو حلوه كأنه طعجات.

الفترة الجاية بتكلم عن طريقة روتيني بنايتي بشعري

بنبسطون اللي شعرهم مثلي بتناسبهم مره

وحتى اللي شعرهم كيرلي + جاف من الصبغات والاستشوار بتناسبهم

... بهذا البوست بتكلم عن

١- أنواع الشعر

٢- روتيني لعنايتي لشعري اللي ناسب طبيعته

أول شي خبراء الشعر قسموا أنواعه إلى

hair type

:هي

١- الستريت٢- ويفي ٣- كيرلي ٤- كويلي ٤- كينكي

عاد ملاحظة عندنا مسحوب على الشعر الويفي 😂

ياستريت ياكيرلي 🤔

اذا الوحدة شعرها مو ستريت تماما قالو كيرلي

بس احس ماينلامون لان الفرق شي بسيط بين الكيرلي والويفي

الفرق الاساسي والمهم هو

شكل اللفة كيف؟

لاحظو شكل اللفه بالشعر الويفي على شكل حرف S

بينما الكيرلي كانه C واللفات متداخلة مو مثل الويفي

Type 1: Straight Hair

النوع 1

(الاستريت)

وله ثلاث اشكال ✨

A1

الشعرة خفيفة وناعمة مره + الشعر فلات بدون حجم عند الفروة + دهني + وصعب يمسك التسريحات

B1

.الشعرة متوسط الكثافة وفيه حجم اكثر من اللي قبله

C1

الشعرة سميكة يشبه شعر الآسيويين وصعب يمسك التسريحات.

إحتياجه ؟

هالنوع مايحتاج ترطيب قد اشياء تعطيه كثافة وحجم ✨

ويحتاج بروتين عشان يزيد من حجم الشعر آكثر

زي الماسكات اللي فيها بيض + عسل + مايونيز

سواء اللي تتسوى بالبيت آو جاهزة زي الماسكات و حمامات الزيت

وحتى عند اختيار الشامبو والبلسم والماسكات نختار النوع اللي مخصص انه

يعطي حجم الشعر واللي فيه مستخلص العسل والبيض

او اللي فيه بروتين.

الزيوت اللي يحتاجها

اذا بنستخدم زيوت نختار الخفيف مثل

( زيت جوز الهند + الارغان + اللوز)

ونبعد عن الزيوت الثقيلة زي

(زيت الخروع + زبدة الشيا+ زيت الزيتون)

Type 2: Wavy Hair

نجي للنوع 2

(الويفي)

هالنوع اقل دهنية من الاستريت.

2A

هالنوع تموجاته ناعمة وآقل نوع ممكن ينفش مقارنة بالنوعين الثانين+ممكن يفقدرحجمه بسهولة اذا استخدمت له منتجات كثير

2B

الويفز فيه واضحة أكثر ويحتاج ترطيب آكثر لانه بسهولة ممكن ينفش

2C

هالنوع الاكثر جفاف ونفشه من بينهم + التموجات تبدآ من آعلى الرآس وماتفقد شكلها بسهولة + هنا الشعرة تبدأ تلتف وتصير قريبة للكيرلي

Type 3: Curly Hair

النوع3

(الكيرلي)

3a

هالنوع تكون الشعرة خفيفة وتلف بسهولة + بالغالب الفروة تكون دهنية اكثر من الاطراف والكيرلز ماتبدآ من فروة الرآس

3b

الشعرة متوسط الكثافة + بسهولة ينفش الشعر ويكون frizzy.

3c

الشعرة بالغالب تكون ثقيلة وخشنة+الكيرلز تكون مره صغار

آكثر نوع ممكن ينفش ويفقد شكله بسهولة

الشعر كلما زادت لفاته كلما احتاج ترطيب وعناية اكثر .

آهم نقطتين لازم تراعينها بالشعر الكيرلي الترطيب + انه مايتمشط ابد الا بالشاور بس

عشان مايفقد شكله ويصير كذا 😂

احتياج الويفي والكيرلي ؟

الشعر الويفي والكيرلي يحتاج جدا للترطيب سواء ماسكات آو زيوت

لان الزيوت الطبيعية بفروة الرآس ماتوصل لكامل الشعر مثل الشعر الاستريت بسبب التموجات

ويناسبه الزيوت الثقيلة عكس الاستريت مثل (زيت الخروع والزيتون وزبدة الشيا)

وحتى الشامبو والبلسم يحتاج نختار اللي فيها مستخلص زيوت + افوكادو وغيرها اللي تركز على الترطيب

هذي قائمة بالزيوت الخفيفة اللي تناسب الشعر الستريت والخفيف

وقائمة الزيوت الثقيلة اللي تناسب الكيرلي والويفي

عشان تدرون قد ايش مهم تراعون نوع شعركم باختيار المنتجات

اذكر من زمان مره استخدمت شامبو وبلسم بالعسل وابدا مااعجبني وناسبني 🍯

لحظتها استغربت مخي مبرمج العسل زين للشعر

بعدين اكتشفت لانه مو هذا اللي محتاجه شعري🤔

عشان كذا مهم نختار نوع اللي يناسب طبيعة شعرنا👏

مو اي شامبو وبلسم قدامنا نستخدمه😛

نجي الحين للشي المهم

روتيني للعناية بشعري

شعري نوعه

2b

هالروتين بناسب مره اللي طبيعة شعرهم جافة + يعانون من النفشه + اللي مثلي نوع ويفي أو الكيرلي (الكيرلز كلما زادت كلما زاد جفاف الشعر فيحتاج ترطيب أكثر)

اعتمدت روتين ترطيب قبل الشاور + أثناء الشاور + بعد الشاور ..

١- قبل الشاور :

ازيت شعري (تقريباً مره لمرتين بالآسبوع ).

بأي زيت مناسب ( زيت الأرقان – زيت اللوز – زبدة الشيا الخام).

بنات كثير حبو وناسبهم زيت جوز الهند للشعر

شخصيا مااحسه سوا لي شي

بس أحبه لجسمي يعطي لمعة حلو

وللطبخ بعد بطل وبديل صحي وخفيف.

عاد لي فتره طايحه بزيت دابرآملا رهيب بشكل.

سحر يجنن صدق يخلي الشعر مثل الدعايات.

بس عشان الريحه حطيته بعلبه بومب أسهل بالاستخدام والريحة ماتنتشر وألبس كاب بلاستيك.

أحط كم ضغطه منه وآركز على الأطراف + مساج خفيف للفروة

وأخليه من نص ساعة إلى ساعتين.

الـ trickهنا أنه يتبلل الشعر شوي قبل الزيت شي بسيط

المويه بتخلي الزيت يدخل بالشعر مضبوط ويستفيد منه.

ممكن تستخدم زبدة الشيا بعد شي بسيط على الأطراف ترطب لشعر مره.

٢- وقت الشاور (الشامبو والبلسم):

شامبو والبلسم من Giovanni

هالماركة منتجات الشعر حقتهم رهييبة

جربت من قبل شامبو وماسك واعجبوني مره

وقريت رفيوات كثير إيجابية عن هذا الشامبو والماسك بالذات

ريحتهم ڤانيلا بس خفيفة وقت الشاور بس بعدين تختفي

وفيهم ارقان اويل + كيراتين برازيلي

والاهم خالين من السولفيت والبارابين

السولفيت أغلب الشامبوات والمنظفات فيها

هالمادة هي اللي تزيد من رغوة الشامبو تعطي إحساس انه شعرك تنظف مضبوط وهو بالحقيقة شفط كل الرطوبة من الشعر

( هالمادة لها دور انها تزيد نفشة الشعر+ وخطيرة بعد من المواد المسرطنة تعتبر)

وغير انه مناسب للشعرالمصبوغ

يجنن مره اتعب وأنا أقول يجنن أستخدمت غيره كثيير من الرخيص للغالي وماقد جربت مثله.

فيه نقطة كانت مره تضايقني لما أطلع من الشاور وشعري لسى رطب

أنه شعري ملمسه يصير متيبس شوي لما ينشف يختفي هالاحساس !

ولا أدري وش السبب ؟

من أول استخدام لاحظت لهذا الشامبو والبلسم راح ذا الإحساس !

حاليا لي شهر وشوي أستخدمه وحبيته مره .

أتوقع بعلق عليه فتره طويلة

وخلال هالشهر لاحظت شعري خفت نفشته كثير والويفز صارت مرتبه أكثر.

ماسك ترطيب العميق بعد الشامبو

NDIAN HEMP & TAMANU DEEP TREATMENT MASQUE

هذا الحب الثاني

تقريباً لي سنة أستخدمه ولا فكرت أغيره وقبله استخدمت كثير ماسكات وما قد شفت مثل ترطيبه.

ريحته عطريه قوية وحلوة.

وصارت ريحته تميزني اذا مريت من عند خواتي يميزون الريحة ويحسبوني حاطه عطر.

حبيت فيه أن أغلب مكوناته طبيعية فيه مستخلص كم زيت (جوز الهند – زبدة الشيا – زيت الأفوكادو)

اللي استغربت منه حاطين العطر من مستخلص زيوت عطرية

على قوة وثبات الرائحة توقعتها كيميائية؟

بعد الشامبو اخفف شعري من المويه بفوطة (مهم ما يكون يقطر مويه عشان يستفيد منه لشعر مضبوط)

وأمشط شعري بمشط أسنانه متباعدة ويترك ٤٥ دقيقة وبعدين يغسل بالمويه بس.

كاتبين بالتعليمات البسي بلاستيك كاب وعرضي الشعر للحرارة (نفس فكرة الحمام الزيت)

بس ماجربتها وكاتبين بعد ممكن يستخدم ككريم تصفيف شعر.

طبعاً اذا بستخدمه أكتفي فيه مايحتاج بلسم معه.

واحيانا اذا مالي خلق زيت قبل الشاور أحطه بداله.

٣- بعد الشاور:

أستخدم تيشرت مخصصته لشعري بدل الفوطة.

القطن اللي بالتيشرت ألطف من الفوط ولا تسحب الرطوبة من الشعر وبالتالي هالحركة تخفف من النفشة.

فيه فوط المايكرو فايبر Microfiber Hair Towel

تكون أنعم على الشعر من الفوط العادية وتقلل من النفشة.

بس للان ماجربتها

أكثر ناس ممكن تفيدهم هالحركة الشعر الكيرلي

اذا صار شعري نص رطب مو ناشف ولا بقطر مويه.

استخدم سيروم الشعر بالأرقان من Cococare

ميزته خالي من البارابين والكحول أهم شي

ريحته عطريه حلوة وقوية

المضحك هذا اعتبروه الاجانب شي سلبي فيه😂

وحده تقول انكتمت من قوة ريحته وانا نايمة

أذكر أول ماوصلني حطيت ضغطة منه على شعر في بشوف وش هالريحة

من آول ضغطه حطيته عالشعر وقلت واو 😍

عطاني نعومة ولمعة تجنن وخلى التمشيط اسهل👏

حتى وماكان شعري رطب ومغسول 😂

انا انبسطت لما شميته يجنن يحبون يبالغون

من أحلى السيروم اللي قد جربتها صدق خرافي

هنا الـ trickاللي بالصدفة جربتها وآعجبتني

نقطتين من سيروم الارقان + نقطة من زيت الأرقان

نسبة السيروم دبل الزيت

ليش الزيت ؟ لأن السيروم يرتب الشعر بس أحبه مترطب أكثر

والزيت لو استخدم الحاله ممكن يخلي الشعر مدهن

فأخلط الاثنين سوا

استخدمت هالنوعين من زيت الأرقان وكلهم حلوين وزيت بيور.

طبعا انا شعري جاف فناسبتني هالحركة مره

الناس الطبيعية يدهن شعرهم مع الوقت انا يزيد جفافه

متى صدق لاحظت هالشي وصرت آعتمد الزيت لبعد الشاور

مره لما نشف شعري لاحظت فيه خصل كان باقي فيها اثار زيت ما انغسلت كويس

كان وقت نومي فقلت اذا قمت غسلته من جديد

قمت ولقيت الزيت مختفي

هنا صدق عرفت وضع شعري صعب يحتاج ترطيب من قلب

وغير انه منتجات كثير يحطون فيها زيت الارقان

ويكون بعد أخر مكون موجود بالمنتج

أحطه الزيت بكبره على شعري عشان يستفيد مضبوط ويخفف من النفشة.

هالحركة اللي شعرهم جاف + واللي كيرلي بنبسطون عليها

وأسويها قبل الاستشوار تعطي لمعة مو طبيعية

عاد للي تجربها تجرب بيوم مافيه طلعة احتياط.

وبعدها امشط شعري بمشط اسنانه متباعدة

اللي شعرها كيرلي تكتفي بالتمشيط اللي بالشاور مع الماسك.

وتوزع السيروم والزيت باصابعها بشويش عشان ماتخرب الكيرلز.

وبس اخليه بنشف بالهواء

أحيانا اذا ابي الويفز مرتبه ألفه بون وأخليه لين يجف تماما.

ونعيماً مقدماً

هذا حاليا روتيني كامل ومره مناسبني.

أتمنى أنكم استفدتو.

أغلب الأشياء اللي ذكرتها
وفرتها لكم على طلبكم ببوتيكي

هنا

أحبكم

هير افكت بلوق

Her Effect Blog

لا تنسون تضيفوني على السناب معلومات وتفاصيل أكثر