هلا ومرحبا..
موضوع اليوم مهم جداً وطلبتوه مني كثير
عن تجربتي بتبييض الأسنانوفرصة رمضان يمديكم تخففون عن القهوة والشاهي المشروبات الملونةالعيد جاي وان شاءالله تستفيدون
شخصياً جربت طريقتين للتبييض:١- لصقات كرست (٣ أنواع مختلفة جربت)٢- أبر تبييض المنزلية نسبة٢٠٪
بذكر لكم تجربتي لطريقتين وعليها حددوا اللي يناسبكم منها وجربوهلأن كل شخص واللي يناسبه ويرتاح معه
مهم جدا قبل تبييض الاسنان
قبل لا تبدون بأي وسيلة تبييض لازم تتلزمون بالتالي (عشان تخففون قد الإمكان من الحساسية + تلقون نتيجة حلوة من التبييض):
١- مهم جداَ الأيام اللي نبييض فيها الأسنان نستخدم فرشة اسنان ناعمة جداً ومعجون اسنان حساسة.
٢- نتجنب القهوة والشاي والمشروبات الملونة والغازيات بالذات أيام التبيض (يمكن بعضكم يحسه صعب بس يفرق جدا).
وبشكل عام كل ماشربتوا قهوة أكثر قلت النتيجة
أول استخدامي للصقات التبييض كنت نهائيا ما أشرب قهوة وشاي طولت نتيجة التبيض لسنة كاملة واسناني نفس البياض.
٣- وشي مهم ويفرق جداً تنظيف لأسنان في العيادة والتخلص من الجير ع الاسنان عشان يصير لون بياضها موحد، وبعد التنظيف لازم تنتظرون من أسبوعين لشهر بعدها بيضوا لأن الأسنان .تكون متحسسه بعد التنظيف واحتمال تتحسس أكثر مع التبييض
٤- للي عندها حشوات أو تلبيسات أسنان أمامية الأفضل تسأل الدكتور عن التبييض لأنها التلبيسات لونها ثابت ماتتغير مثل باقي الأسنان فبيكون فيه فرق باللون.
٥- يفضل تستخدم قبل النوم عشان طول الليل ما أكل بس إذا مناسب لكِ خلال اليوم عادي سوي
المريح لكِ.
٦- اللي أسنانهم بطبيعتها حساسة ماأنصحهم يجربون أي وسيلة تبييض بدون استشارة طبيب
تجربتي مع لصقات كرست للتبيض
3d white crest strips
في أول تجربة لي لتبييض الآسنان استخدمتها
تقريباً بديت من ٥ سنوات أستخدمها
كان نظام كرست أول أنهم يكتبون درجة التبيض من ٥
الحين مدري ليش شالوها
٣ من ٥
٤ من ٥ وكذا
كلما زاد الرقم زاد درجة البياض وبالمقابل ممكن تتحسس الأسنان أكثر.
فكرتها؟
كل بوكس فيه عدد معين من الظروف (١٤ ، ٢٠ وهكذا)
الظرف الواحد فيه لصقتين شفافة للأسنان العلوية والسفلية
مجرد تنشال وتتلصق على الأسنان ونخليه المدة المكتوبة حسب كل نوع
أغلب الأنواع نص ساعة وبعضها ساعتين
ونستمر نستخدم الكورس بشكل يومي مره وحدة باليوم
لين يخلص الكورس كامل
أو إلى إن نوصل للنتيجة المطلوبة واللي يبقى نخليه لقبل المناسبات
طريقتها ؟
١- تتفرش الأسنان بلطف وماآحطها على طول انتظر ربع ساعة تقريبا
٢- يفك مغلف واحد وتوضع على الأسنان العلوية والسفلية
٣- ننتظر الوقت المطلوب (نص ساعة)
بعد ماتنشال اتمضمض بمويه بس مايحتاج تفريش
عشان يروح اي اثر للصقات
* في حالة حسيت أنه بدت تتحسس الأسنان بالذات على نهاية
الكورس يصير استخدمها يوم ورى يوم مو يوميا
نجي للأنواع اللي جربتها ذكرها عالسريع ثم أفضل نوع بنظري
استخدمت ٣ بوكسات خلال ٥ سنين فانتبهوا يكفي مره وحده بالسنة إلى سنتين
أول نوع استخدمته كان
Crest 3D White Luxe Glamorous White Whitestrips
٣ من ٥ كانوا كاتبين كرست عليها
نتيجتها حلوة وتعطي بياض واضح بس ما كان خارق
بالمقابل حساسيتها أقل من غيرها
ولاني كنت هذيك الفترة ما أشرب قهوة وشاي او مشروب ملون ابداً نتيجة التبييض طولت لسنة كاملة وأسناني نفس البياض.
ولاني كنت هذيك الفترة ما أشرب قهوة وشاي او مشروب ملون ابداً نتيجة التبييض طولت لسنة كاملة وأسناني نفس البياض.
ثاني نوع استخدمته كان
crest 3d white luxe whitestrips supreme flexfit
ثالث نوع استخدمته كان
crest 3d whitening strips professional effects
وهو الأفضل بينهم بلا منازع
الريفيو عليه بأمازون جدا عالي وأكثر نوع مطلوب من كل لصقات كرست
وأحسن نوع من بينهم شفت منه نتيجة بياض خرافية
اول استخدام بتحسين ان اسنانك مره نظيفه كانك مسويه تنظيف بعيادة
ومن 3 يوم تلاحظين فعلاً تفتيح بدرجة اللون
تناسب الاسنان الغير حساسة الى متوسطة الحساسية
من وين ؟
وتقدرون تطلبونها من أمازون وموقعهم الرسمي
تجربتي مع أبر التبيض المنزلية
فكرتها ؟
تتسوى قوالب الاسنان في أي عيادة
قوالب تنوخذ على طبعة الأسنان وتقدرون تسوونها عند الدكتور
وبعدها يحدد لكم قوة مدة التبييض حسب حساسية أسنانكم
نفس كذا
للجل أكثر من قوة وكل ماكانت القوة أعلى تقل فترة إستخدامه في اليوم يعني مثلا :
· قوة 10% يستخدم من 8-10 ساعات في اليوم للأسنان الحساسة .
· قوة 15% يستخدم من 4-7 ساعات في اليوم للأسنان متوسطة الحساسية.
· قوة 20% يستخدم من 2-4 ساعات في اليوم للأسنان متوسطه الحساسية للقوية (وهذي اللي استعملتها).
· قوة 35% يستخدم لمده 30 دقيقه يعني نص ساعه للأسنان القوية.
طبعا كل القوات لها نفس النتيجة الفرق بالمدة بس.
طريقتها ؟
فرشي أسنانك قبل الإستخدام ونشفيها تماما وانتظري ربع ساعة
على القالب مكان كل سن حطي نقطة قد حبه الرز على كل سن ويكون في الجهه الأمامية
· لا تكثرين من الجل في القالب حتى ما يوصل للثه + تأكدي من ان الجل وصل لكل السن على ياخذ مفعوله .
· ابدي بوقت قليل وزيدي كل يوم ولو حسيتي اسنانك تحسست بعد كم يوم وقفيه يوم راحه وكملي بعده واذا لازال يحسس روحي للطبيب
مافيه وقت محدد توقفين الكورس تقريبا (الاربع ابر تكفي عشرين يوم) وتقدرين توقفينها قبل إذا وصلتي للنتيجة المطلوبة
بعد ما تخلصين شيلي القالب ونظفيه زين
· الابر صالح لمده سنتين اذا كان في الثلاجة
من وين ؟
تقدرون تشترونها من عند الدكتور مع القوالب
شخصياً طلبتها من أمازون حدود الميتين ريال
وسمعت أنها تباع بشكل منفصل عندنا في محلات المستلزمات الطبية
معاجين التبيض؟
أستخدمها (بعد) ما اخلص تماما من كورس التبييض
الفكرة منها أنها تحافظ على نتيجة البياض أطول وقت ممكن
وتقلل من تصبغات الأكل علي الأسنان
متى أستخدمه؟
شخصياً أفرش اسناني ٣ مرات باليوم
قبل النوم وبعده وبعد الكوفي
بالعادة استخدم معجون عادي مو تبيض لقبل النوم والصباح
واستخدم معجون التبيض بعد الكوفي عشان ما يصبغ لونها بأسناني
ليش ما أعتمد بس على معجون تبيض الأسنان؟
بنظري شوي قاسي معجون التبيض فمره وحده باليوم كافي
حاليا جربت أغلب معاجين التبييض عندنا ولا لقيت نتيجة
وأكيد بكتب لكم عنه ريفيو بالتفصيل
من المعاجين الفاشلة اللي مالقيت أي نتيجة منها
الأول معجون تبع أبر التبييض
فترة طويلة استخدمته وقرب يخلص وحرفياً ماشفت منه شي
الثاني من أيهيرب مفروض أنه يزيل تصبغات القهوة، ماسوى شي !
والثالث كرست نوع pearl glow
عشان تستوعبون كيف الناس تختلف أجساههم عن بعض
اختي فجأة شفت أسنانها صارت بيضاء
سألتها ايش سوت بس هذا استخدمت وكم يوم صارت أسنانها واو
تحمست له مره واستخدمته ولا شفت شي
VS
تجربتي ورأيي في الطريقتين وأيهم برجع لها ؟؟
ذكرت لكم تجربتي للطريقتين وعليها حددوا اللي يناسبكم منها وجربوه
لأن كل شخص واللي يناسبه ويرتاح معه
شخصيا كنت مرتاحة جداً مع كرست، لكن لأنه دائما الأطباء ينصحون بالقوالب قلت أجربها ويالتني ماجربت واستمريت على كرست !
بركز على السلبيات واللي مااعجبني بالذات
وفي وقت إستخدامي للقوالب أسناني كانت تألمني مره أول استخدام ساعة وحدة مااستحملتها ولها
بس المرات اللي بعدها قدرت اكمل الساعتين
المشكلة الأكبر اللي واجهتها معها
فجأة خلال اليوم أو من بكرة كأن فيه أحد يشدها يجي الألم ثواني ويروح زي الكهرباء واحيانا دقايق ويروح لكنه يجي بين فتره وفتره وقت إستخدامه وبعد ما اوقفه يوقف
والصراحة كان مزعج مرة
والشي الثاني اللي ما أعجبني فيها الوقت بالموت أتحمل القوالب بأسناني ساعتين
هذا وأنا ماخذة مدة قليلة !
بالمقابل لصقات كرست بما أنها بلاستيك خفيفة أقل أزعاج بالنسبة لي وحتى مدتها أقل نص ساعة
وأقل آلم من القوالب (بالنسبة لي ولأسناني) فيه ناس تحسسوا منها
وحتى الألم اللي جاني كان نهاية الكورس تقريباً بعد ١١ يوم استخدام وكانت بالنسبة لي محتمل أهون من القوالب
ولما خليتها يوم ورا يوم مع معجون الاسنان الحساسة راح لألم
فيه نقطة ثانية لاحظتها بعد اسناني بسرعة خف بياضها مع القوالب مقارنة بكرست!
ومره صدمني هالشي كم شهر ولاكأني بيضتها
بس يمكن لأنه زاد شربي للكوفي والشاهي يمكن!
أقدر أقول الأيجابية والوحيدة بنظري للقوالب إن شفت نتيجة أسرع تقريباً من ٦ استخدام
وكرست تقريبا ١٠ أيام عشان اوصل لنفس درجة البياض
بس اتوقع يرجع هذا الفرق لأنه مدة بقاء مادة أبر التبيض على الأسنان أطول من كرست
بس بنهاية الكورسين (كرست و القوالب) وصلت لنفس نتيجة البياض
وبس والله
و ان شاءالله استفدتوا
لاتنسون تشاركوني بتجاربكم
وتشاركون الموضوع مع حبايبكم تفيدون وتستفيدون
أحبكم
هير افكت بلوق
Her Effect Blog
