Skin types + My skin care routine / (كيف تعرفين نوع البشرة ؟ + روتيني اليومي) روتيني للعناية بالبشرة الجزء٢

صباحكم / مساؤكم سعادة وحب

السؤال الي تكرر كثير لما أحكي عن أي شيء يخص البشرة.. بالذات على السناب تشات.

كيف أعرف نوع بشرتي؟

لذلك بعطيكم شرح بسيط لكل نوع + بعده روتيني اللي ناسب نوع بشرتي

وعلى أساسه خذوا اللي يناسبكم منه

أولا يتحدد نوع البشرة عن طريق الوراثة، يعني بتنتقل بالجينات مثلها مثل اي صفة ثانية لون البشرة والشعر يعني بالغالب بتاخذين بشرة أمك أو أبوك وحتى المشاكل اللي تعرضوا لها،

ومع كذا ممكن أن تختلف حالة بشرتنا إلى حد كبير بحسب العوامل الداخلية والخارجية المختلفة التي تتعرض لها، ممكن بشرات دهنية بس من كثر استخدام منتجات تنشفها تبين جافة وباهتك او فيها قشور وفي المقابل يزيد افراز الدهن عشان تعوض البشرة جفافها.

هنا كل بشرة نوعها وشرح لها بالتفصيل:

البشرة الجافة

إذا بشرتك جافة؟ 

تظهر فيها بقع وقشور، تعطي إحساس انها مشدودة وخشنة، تبين شاحبة أكثر وتميل نكون باهتة ورمادية.

بالعادة النساء من جفاف الجلد أكثر من الرجال، وكل البشرات يزداد جفافها مع التقدم بالعمر.

مشكلتها اذا ماترطبت كويس ممكن تصاب بالتجاعيد أسرع من غيرها من البشرات، لكن البشرة الدهنية بالمقابل تترهل أسرع.

أسباب البشرة الجافة؟

الوراثة أولا، قلة نسبة الدهون بالبشرة، فقدان الماء والرطوبة

بسبب قلة شرب لماء وكثرة التعرق.

نقدر نعوضها بكثرة شرب الماء + كريمات الترطيب.

اعرف وحده كانت هذي العلامات اللي لاحظتها ببشرتها وجسمها لدرجة أحيانا من كثر الجفاف اذا

 حكت جسمها يتجرح وكنت قولها رطبي واحط لها مرطب غصب كلما شفتها،

والله ماتصدقون بعدها كيف لونها رجع نضر وحلو وراح اللون الباهت.

كثير مشاكل بالبشرة ممكن تنحل بترطيب يومي بس.

وجفاف البشرة يكون على مستويين:

جفاف قليل / أو جافة جدا

البشرة الجافة شوي:
يمكن للبشرة الجافة قليلاً أن تكون ذات ملمس خشن و مشدود و تبين باهتة، وتكون مرونة الجلد قليلة أيضاً. 

البشرة الجافة جداً:
إذا أهمل جفاف البشرة تبدأ تظهر الأعراض التالية: (وممكن تطلع هذي امشكلة أكثر عند كبار السن)
  • قشور خفيفة وبقع هشاشة
  • مظهر خشونة وبقع (تبدو في بعض الأحيان كالشيخوخة المبكرة)
  • ملمس مشدود
  • حكة محتملة
وتكون أكثر حساسية للتهيج والإحمرار و العدوى.

البشرة الدهنية

إذا بشرتك دهنية؟

تكون رطبة وفيها دهون واضحة مقارنة بالجافة، المسام تميل إنها تكون واسعة، أكثر بشرة معرضة لحب الشباب (الرؤوس السوداء والبيضاء) على الوجه وغالباً على الرقبة والكتفين والظهر والصدر، أكثر سماكة: ماتكون الأوعية الدموية واضحة، فيها لمعة.

ليش بشرتي دهنية؟

من ...
• الوراثة
• التغيرات الهرمونية مع البلوغ بالذات
• المبالغة في غسل البشرة يعني

 ٣ مرات أو أكثر باليوم موب معقول.
• الضغط النفسي
• منتجات عناية ثقيلة ممكن

تكون دهنية فتحفز افراز الدهون أكثر

البشرة المختلطة

إذا بشرتك مختلطة؟

 هذي البشرة تجمع نوعين من البشرات

منطقة T-zone اللي هي (الجبهة والذقن والأنف) دهنية

والمسام في هذه المنطقة واسعة

مع بعض الحبوب والرؤوس السوداء أحيانا

 + بشرة الخد عادية إلى الجافة.

 البشرة العادية

إذا بشرتك العادية؟ 

هذي هي البشرة المتوازنة المثالية اللي الكل يتمناها

طبعا الصورة واضح حاطه ميك أب بس تجاهلوا

 نادراً ما تكون فيه بشرات عادية قد قريت أنهم ٢٠٪‏ من العالم بس.

تكون بين الدهنية والجافه ملمسها ناعم ومسامها صغير نادراً ما تطلع فيها حبوب،

تعتبر مثالية يعني لكن الا ما تميل شوي لجفاف أو دهنية في مواسم معينة.

وممكن أن تكون المنطقة المحيطة بالجبين والأنف دهنية شوي،

بس الدهون والرطوبة بشكل عام بالبشرة متوازنة.

 البشرة الحساسة

 طيب والبشرة الحساسة؟

طبعا ما فيه بشرة حساسة وبس،

 بالغالب تكون مرتبطة بنوع ثاني..

مثل (دهنية – حساسة)

أو (جافة – حساسة) وكذا،

بالغالب الحساسية تكون ان البشرة تحمر بسرعة مثلا،

 أو تحسس أكثر من غيرها بمنتجات معينة

آو مكونات محددة، أو من الجو،

أو من المنتجات المعطرة وهكذا.

اذا بشرتك حساسة مهم تلاحظين ايش السبب وتتجنبينه.

طيب تبين تعرفين صدق بشرتك من أي نوع ؟

لازم تطبقين الاختبار هذا !!!

اغسلي وجهك بغسول ولا تحطين اي شي بعده كريم وغيره

كم ساعة ويبدأ يطلع العلامات اللي قبل ركزوا على شكل البشرة والمسام من قريب

الجافة/ من اول ماتنشف المويه بتحسين بشد وجفاف على طول.

الدهنية/ بعد كم ساعة بتبدأ تدهن البشرة وتلمع،  حتى لو تجيبين منديل وتمسحين بشرتك بتلقين اثر دهني

المختلطة/tzone بيكون دهني وباقي الخدود جافة.

العادية/مافيه فرق كبير.

 البشرة بعد تتأثر بالجو الخارجي وبصحة الجسم

اللي ماتشرب مويه كفايه طبيعي سطح بشرتها يبين جاف حتى لو هي دهنية

وبعد البشرة تتأثر الجو ومواسم السنة

الا ماتميل شوي لجفاف أو دهنية في مواسم معينة.

وتتأثر بعد إذا كنت بمنطقة صحراوة جافة أو رطبة وهكذا.

مره جتني وحدة تقول أنا أعاني من جفاف وبشرتي مشدودة لكن هي دهنية اساساً

لما سألتها عن روتينها اليومي:

٣ مرات تغسل وجهها باليوم صباح وبعد لدوام وقبل النوم بثلاث غسولات مختلفة واحد منهم سكراب؟

مره كثير كذا البشرة أبد ماتحتاج كل هالتنظيف ولا تحتاج نسوي لها سكراب بشكل يومي

الغسول اللي فيه حبيبات مقشرة من أسوء المنتجات اللي قد جربتها وأكثر ضرر على البشرة تكشطها بشكل

صح حلو إحساس النعومة بعدها بس أبد مو كويس على المدى البعيدة تتخدش سطح البشرة ويخليها حساسه أكثر وممكن لو كان الفرك قوي يسب اسمرار للبشرة؟

 بالذات اذا تم التعرض بعدها لأشعة الشمس بدون كريم واقي من الشمس.

البشرة الخليجية بالغالب عندنا صبغة الملامين عالية وبسهولة أي أحمرار بسيط يقبل اسمرار بالذات بالمناطق الحساسة بالبشرة مثل حولين الفم اللي تكون عندها قابيلة أكثر للتصبغات.

روتيني ؟

أنا دائما مع البساطة في روتين البشرة بالذات للبنات الصغار والمراهقات والبنات تحت ٢٥ كل الشركات تحاول تسوق لمنتجاتها وتحاول تخلي الناس تشتري أكبر كمية ممكنه من المنتجات وفي الواقع مانحتاج نصها.

كل اللي تحتاجه أي بنت حابه تبدأ عنايه غسول + كريم مرطب لنوع بشرتها + ماسكات تنظيف أو ترطيب بالاسبوع مره لمرتين 
موضوع الماسكات هنا 

وثم تبدأ تضيف منتجات على حسب وش عندها من مشاكل.

الصباح:

تبوني أصدمكم ؟

ماأغسل وجهي الصباح بالغسول أكتفي مويه بس، وأرطب وجهي بكريم واذا بطلع أحط واقي شمس(حكيت عن الأنوع اللي أستخدمها انستقرام).

أنا انصدمت من الفكرة ترا أول ما سمعتها، هالكلام قالته وحدة كورية بشرتها ذهنية وكانت مليانه حبوب

أحد أهم الخطوات اللي سوتها وخفت حبوبها معها

أنها وقفت الغسل المبالغ فيه لوجهها.

ليش؟

فكروا فيها شوي

وحدة منظفة بشرته كويس ونامت

تقول تغسلها مره ثانية ليش؟

حتى لو دهنية ما تحتاج والله

التنظيف المبالغ فيه بيزيد الجفاف وافراز الدهون بيصير دبل.

فظاهرياً تحسين حلو الشعور اللي يجي بعد تنظيف بشرة والشد البسيط.

لكنه مع الوقت بينشف سطح البشرة وبالتالي المسام بتفرز دهون أكثر عشان ترطب الجلد وهذي الدهون بسهولة بتسد المسام وتتكون الحبوب.

بالنهاية بنحصل على بشرة ناشفه وفيها حبوب.

وغير أن البشرة ما تحتاج غسل أكثر من مرتين باليوم

فتنغسل بالغسول بعد الدوام أحسن بميتين مره من الصباح

بعد الدوام والجو والتلوث والغبار والرطوبة البشرة أمتلت وساخة وبكتيريا

هنا أهم وقت مفروض تنغسل فيه.

إذا رجعت من الدوام + بالليل قبل النوم:

أول خطوة أبدأ فيها إذا كنت حاطه ميك اب استخدم مزيل مكياج زيتي

 

the face shop cleansing oil 

 من بعد ما بدأت باستخدام مزيلات المكياج الزيتية 

وانا مستحيل ارجع استخدم القطن ومزيل المكياج المائي او مناديل مناديل ازاله المكياج.

هذي المناديل بالذات تعدم البشرة ترا تجنبوها.

حاليا انا حابه هذا مزيل المكياج من ذا فيس شوب بالأرز، عاليسار.

عاليمين قبله كنت أستخدمه بس ما حبيته مثل الوردي بالارز، ميزته جدا خفيف قوامه كأنه زيت جونسن أو أخف بعد

فيه بنات يستخدمون زيوت طبيعية، قبل جربت أزيل مكياجي بزيت جوز الهند- والجوجوبا، كانت حلوة التجربة بالذات انه ترطب مقارنه بالمزيل الكيميائي لكن مشكلتها ما تزيل بسهولة.

أول من بدآ هذي الترند الكوريين، وبعدها طلعت للعالم، الحين شركات كثير طلعوا مزيلات زيتيه مثل بودي شوب وغيره، لكن آنا اثق بالاصل وهم الكوريين ..

طريقه استخدام مزيل المكياج الزيتي؟

أسهل شي بالحياة اول شيء اغسلي ايدينك بالصابون بعد تاخذين ضغطة من مزيل المكياج الزيتي و تسوين فيه مساج لكل وجهك أول شيء العيون.

وبعدين باقي وجهك وبعدها تغسلي الزيت بالمويه، مع المويه بيتحول كريمي شي بسيط ويروح سهولة.

وتارا .. اختفى الميك أب.

 وإذا حاطه ميك أب ثقيل أعيد الخطوة السابقة مرتين الميك اب

وأحيانا إذا حاطه شي بسيط ايلاينر أو روج بس ابلل قطنه بنقطة مويه ونقطه من الزيت بمسحه يروح.

 

اخر مره استخدم مزيل مكياج مائي، تبع قارنيه مزيل مائي بالزيت.

حلو بس قوي شوي على البشره, بس حاليا قليل جدا استخدمه معتمد على مزيل المكياج الزيتي 

استخدمه نادرا اذا كان باقي بقايا مسكره فقط.

ثاني خطوة أبدأ فيها اغسل وجهي بغسول الوجه

acure facial cleansing creme

حاليا انا استخدم هذا الغسول من عضوي من أكيور حلو يؤدي الغرض ينظف بلطف وما فيه شي مميز.

ريحته أعشاب أتوقع لأنه عضوي مقبولة.

مناسب للبشرة العادية للجافة.

استخدمه مع إسفنجة الكونجاك لتنظيف البشر منظف المسام من قلب ويوخر الخشونة الي على الانف مع الوقت تمنع ظهور الحبوب و الرؤوس السوداء.

ريفيو كامل لها هنا

مهم استخدام غسول للوجه مو صابون صلب لانه قاسي عالبشرة + مليان مواد كيميائية تحافظ على صلابته + يتجرثم بسهولة 😅

اسفنجه الكونجاك مو شرط استخدمها يوميا، يوم ورا يوم او كل يومين مجرد ما حسيت ان بشرتي وسخة تحتاج تنظيف استخدمها.

بعده التونر..

 كنت استخدم هذا التونر من كلينيك بالبداية كان عاجبني احسه ينظف بشرتي كويس، بس الحين اكتشفت انه جدا سيء للبشرة مليان كحول اللي يجفف البشرة جدا مع الوقت الكحول يخرب البشرة ويسبب تجاعيد آسرع.

 صرت استخدم بخاخ ماء ورد فقط في احطه بعلبة بخاخ نظيفة.

stridex alcohol free pads

مسحات سالسليك اسيد استخدمها على أماكن الحبوب فقط، بتكلم عنها بالتفصيل ببوست قادم ان شالله.

الخطوة الثالثة الترطيب

embryolisse lait-crème concentré

حاليا استخدم هذا الكريم (عاليمين) طبي من ماركة فرنسية كثير ميك اب ارتست مدحوه واولهم pixiwoo الخوات البريطانيات صاحبات ماركة ريل تكنيكس.

مكتوب عليه انه مناسب لجميع انواع البشرة ممكن استخدم كماسك آو ميك اب برايمر او مرطب, فيه فيتامينات، ويساعد على شفاء البشرة،

من تجربتي الشخصية جاه مدح عظيم وما فيه اي شيء مميز بنظري أبد.

اذا استخدم كمية قليلة ما يرطب أبداً، وإذا يستخدم كمية كبيرة بسهولة ممكن يسد المسام وسبب لي حبوب ويخلي بشرتي دهنية اكثر.

ولأنه كاتبين ممكن يستخدم كبيس ميك أب جربته مره اكتفي فيه قبل الفاونديشن وكان أسوء مكياج قد سويته، ماكأني حاطه مرطب.

سعيدة إني اخذت الحجم الصغير من الكريم ولا كان انقهرت صدق.

انا من النوع استخدم الشيء اخر قطرة اقعد استخدمه عشان احلله وإذا خلص مستحيل ارجع اشتري.

كريم من Avene clean -ac

كريم مرطب مناسب للبشرة المعرضة لحب الشباب والدهنية.

وصفته لي الدكتورة وقت ما طلعت لي حبوب.
قوامه مائي لكن ترطيبه  معقوللأنه ومخصص للبشرة المعرضة لحب الشباب.

حلو للبشرة الدهنية والمختلطة بالذات لانها ماتحتاج ترطيب عميق مثل الجافة، واعتقد أنه مافيه زيوت بس مو مكتوب على العلبة oil free.

 موجود بالصيدليات عندنا وطلبته من امازون.

كريم ترطيب حول العين drema e firming eye lift 

حلو ترطيبه يرطب بشكل حلو مع الوقت تخف الخطوط البسيطة بالذات اللي تطلع مع الجفاف، مو بوتكس ترا يعني التجاعيد مايشيلها.

استخدمت كريم عيون من نفس الماركة ولا في فرق بينهم تكلمت عنه قبل بالانستقرام.

‪لما استخدمته حسيت الخطوط حوالين العين خفت شي بسيط والمنطقة مترطبه جداً ومرتويه

‪جربته تحت الميك أب وحله ترطيبه حبيته ولا يأثر على ثباته.

‪

‪اخذته من ايهيرب للي حابه تجربه❤️

‪كود تخفيض WKT266 ✨ .

خيارات جربتها سابقا وموجودة في الصيدلية.

nutraderm

كريم ترطيب قوامه خفيف مكتوب مناسب للجلد الجاف بس قوامه مناسب  لأغلب البشرات بنظري.

Boots Tea Tree & Witch Hazel Foaming Face Wash

غسول رغوة للوجه خفيف جدا حلو ماينشف وينظف بلطف خيار حلو متوفر ببوتس وجدا رخيص نسيت كم بس اقل ٢٠ريال.

وبس ان شالله استفدتوا يارب 

شاركوني بروتينكم اليومي

أحبكم

اسفنجة كونجاك + مزيل المكياج الزيتي + مسحات السالسليك اسيد

متوفرة ببوتيكي

متوفرة هنا

هير افكت بلوق

Her Effect Blog

لا تنسون تضيفوني على السناب والانستقرام لتفاصيل أكثر

 twitter + instagram + snapchat = hereffect