January favorites 2017 / مفضلاتي لشهر يناير ..

January favorites 2017

مفضلاتي لشهر يناير

اشياء حبيتها واستخدمتها كثير خلال الشهر

نبدأ بالمكياج💄

BB cream missha درجة 23

اشهر من نار على علم كثير ميك ب ارتست تكلمو عنه ويستخدونه

حبيت فيه تغطيته متوسطة مو خفيفة مثل باقي البيبي كريم

وعلى البشرة مو جاف او دهني بزيادة يعطي نضارة حلوة للبشرة

فيه واقي شمس spf 42 بالاضافة انه يعتبر كريم يحمي من التجاعيد ويعالج عيوب البشرة

في البداية اول ماوزعته ع بشرتي كان رمادي ومااعجبني هذا الشي لكن 10دقايق وتاكسد وصار لونه حلو ع لوني👌🏻

push up mascara من Bourjois

برجوا دايم مسكراتهم جميلة وتناسب المناسبات ,هذي الماسكرا تعكف وتطول الرموش بشكل جميل ، بس ماتكثف كثير،  وماتحتاج اكثر من طبقة.

Color pop sculpting stix

كونتور كريمي من كولور بوب، بعد الفونديشن احطه وباوزعه بالاسفنجة ريل تكنيكس, يندمج بسهوله ويعطي مظهر طبيعي😍

nyx ombre blush

بلشر من nyx ، لونه روز قولد وممكن يستخدم كبلشر او هايلايتر او برونزر💗

حبيت جدا شكله عالبشرة وفيه لمعة شيمر خفيفة، جربته كشادو للعين خرافي طلع😍

 Color pop ultra matt lip

ارواج المات من كولر بوب، هذي الارواج من طحت عليها وانا تاركه كل باقي ارواجي من جمالها ، حتى اذا شريت روج جديد استخدمه مره اتركه وارجع لكلر بوب😅

هالدرجين اكثر شي استخدمتهم الشهر اللي فات

 بني متوسط مع اندر تون محمر tulle

احمر كلاسيكي Avenue

physicians formula eye booster, eyeliner+serum

ايلاينر للعين,رفيع وسهل بالرسم👌🏻

حبيت فيه انه ماينشف بسرعة مثل باقي الايلاينر اللي جربتها قبل ،سواده جميل ، وفيه سيروم يغذي رموش العين ويطولها، عن نفسي ماشفت طول واضح بس احس رموشي بعده متغذية وكثافتها حلوة✨

Color pop i♥️this eye shadow 

شادو كريمي من كولور بوب، لونه فضي ويعطي انعكس الوان وفيه قلتر 💗

استخدمه بكل لوكاتي على الجفن المتحرك✨

واضح اني كارفته احبه مره😍

ماسك الفحم للروؤس السوداء

ماسك لونه أسود يحتوي على مستخلص الفحم و يساعدك بالتخلص من  

الرؤوس السوداء و من الممكن استخدامه على الوجه كاملا 

أو على الأماكن المحتاجة فقط 

عن نفسي احطه ع كل وجهي لانه يشيل حتى القشور البسيطة وينظف المسام من قلب

قبله كنت اخلط جيلاتين وحليب الحين استغنيت عن هذي الحركة مؤلمة كانت وصعب احيانا توصلين للقوام المطلوب

وبعد هذا الماسك استغنيت عنه😍

زيت الشعر من لوريال

قوامه اقرب للسيروم الخفيف استخدمه قبل الاستشوار يحمي الشعر من الحرارة ويعطي لمعه حلوة💕

MODELS OWN - chrome rose

مناكير يجنن ان طايحه هالفترة بقوة على الروز قولد😍

درجته خرافيه حبيته وسعره احلى

يحتاج طبقة وحده بيبان اللون قوي✨

عيبه الوحيد يتقشر بسرعه نوعا ما بعه احط توب كت شفاف عشان يبقى مده طويلة

اخيرا كفر ايفون مرايا و روز قولد 😍

وبس والله

هير افكت بلوق

Her Effect Blog

twitter + instagram = hereffect2

snapchat = hereffect