july favorites 2017 / مفضلاتي لشهر جولاي ..

صباح /  مساء الخير

من زمان مره عن المفضلات

اتوقع من ثلاث شهور ماتكلمت عن مفضلاتي 

عشان كذا 

(من طول الغيبات جاب الغنايم )

١٢ منتج عن الثلاث الشهور الماضية

المفضلات من أحب المواضيع على قلبي

وهالمره حبيت أنوع أكثر مو بس ميك أب

ييلا نبدأ :

Real techniques Diamond sponge 💎

جربت الدايموند سبونج من ريل تكنيكس 😍

بللتها بالموية وعصرت باقي الموية زي اي سبونج كبر جحمها دبل وصارت ناعمة ولينه 💕

جربت توزيع الفاونديشن +الكونسيلر + الكونتور الكريمي + البلشر الكريمي + بودرة تثبيت تحت العين😍👍

كله باسفنجه وحدة تغني تقريبا عن خمس فرش وجه😌

لاحظت يناسبها اكثر الفاونديشن اللي تغطيته ثقيلة!

لانها تمتص شوي من الفاونديشن 🤔

نقعتها بشوي صابون ومويه ابي ترجع جديدة💎✨

المهم انها مره جميلة بالتوزيع وسريعة حبيتها مره😍

متوفر هنا

Colourpop brow colour

جل الحواجب من كولور بوب بطل مره حببته ثابت +

وسهل الرسم وبان الفرق على حواجبي لما بديت استخدمه 😍

وحبيت فيه اللون ممكن بخفف او يثقل حسب كمية اللون بالفرشة والضغط عليها حواجبي كثافتها وسط

فأرسم وأحدد الطرف أكثر شي أختي بعد جربته واعجبها

وخذت لها واحد و حواجبها انحف مني وناسبتها مره

اللي جربت جل العصار من ميك أب فور ايفر فهو نفس التأثير

بس أرخص وآسهل بالاستخدام.

anastasia beverly hills modern renaissance eyeshadow

 palette

باليت الايشادو من انستازيا

اشهر من نار على علم 

ميزته جامع الالوان اللي على الترند

كثير أشوف ميك آب ارتست يستخدمونه فتحمست له

الوانه واضحة ومن مسحة تطلع ودمجها سهل

حبيت فيه أنه فيه اوان مات وألوان بلمعة شيمر

المهم مره يجنن.

وطلعت باليتات كثير بعده يحولون يقلدونه

هذي سواتشات للألوان من النت

متوفر هنا

colour pop lipple + ultra matte

روجين من كولور بوب

أكثر لونين أستخدمته الفترة الماضية

روج ميني أسمه بيبر  beeper 

من أكثر الدرجات اللي تلبق على كل درجات البشرة

ولوكات الميك أب

لون لحمي على بني وبنك

 رهيب أتعب وأنا اقول أحبه

من الbest seller عند كولور بوب

تركيبته مات أحب هالتركيبة مره بالذات بالمناسبات احطها مره ولا يحتاج أعيد عليه اريح شي

اللون على يوتيوبر

الروج الثاني اسمه ziggie

استخدمه كثير بالطلعات البسيطة وفي الدوام

لونه بني متوسط مع اندرتون محمر (الواني المفضلة)

 من التركيبة الشمعية بس المات

هذا النوع

الفرق بينه وبين اللي قبله تركيبة الاول سائل مع المد ويتحول مات على طول ياللون ثابت lippie

وهذا ذي الارواج لستيم قوامه شمعي ويطلع من مسحه وحده ويطلع مات بدون لمعة بس يمسح أسهل من الآول

 هو أول نوع انتجوه كولور بوب واشتهرو فيه لان التركيبة والشكل مميزين.

سواتش للون من سناب كولور بوب

متوفر هنا

anastasia highlighter Brush A23

فرشاة من انستازيا للاضاءة الوجة البودرة.

شفت اليوتيوبر هابين فيها وتحمست أجربها

تهبل مره للهايلايت تطلع اللمعة واضحة مره

وارطبها شوي بموية او بفكس بلس ويطلع اللون اقوى بعد.

جربتها على أكثر من إضاءة وبطلة.

ملمسها ناعم تخيلتها أخشن.

متوفر هنا

ecotools ultimate air dryer

فرشاة شعر مصممة على أنها تجفف الشعر مع الاستشوار أسرع ب٤٠ ٪ 

وتسهل فك تشابك الشعر وتقلل من ضرر الاستشوار

نوع شعري طويل لحد خصري ومتوسط الكثافة وويفي بطبيعته.

بالعادة إذا ابي استشوره استشوار مضبوط قبل ماسوي تسريحة استخدم الفرشة الدائرية المعروفة واستشور كل خصلة لحال

ياخد معي ٢٠ دقيقة عشان ينشف ويكون استرست بدون تموجات

من تجربتي لهذي لفرشة تفاجأت أنه في ٥ دقايق خلصت كل شعري وصار استشواره مرتب

توقعت انها بتفش شعري مثل الفرش العادية

فعلا مره فضيعة اللي تعاني من استشوار شعرها بتنبسط عليها مره

coco shea body lotion

لوشن للجسم من bath and body works

ريحته خيار منعش وللي يميز منتجاتهم انه يكون مره روائحهم عطرية وثابتة وقت طويل.

بس يعيبه الترطيب أحب تكون بشرتي مترطبه مره بس هذا تختفي على طول

فصرت أخلطه مه زبدة شيا أحلى ريحة وترطيب.

ودايما يسون عروض استغلوها أخذته بعرض قطعتين والثالثة مجانا

Skin Food  Rice Mask Wash Off

ماسك الأرز من ماركة skin food الكورية🇰🇷

تكلمت عنه قبل في موضوع الماسكات

خلال الفترة القريبة معلقة عليه مره

يجنن لترطيب ويخلي البشرة ناعمة

بالذات زايد جفاف بشرتي هالفترة

وصف المنتجين:

ماسكات مقشر تحتوي على مكونات مميزة لتغذية البشرة مثل الفواكة والنباتات الطبيعية والارز الذي يعمل على تنقية وتفتيح البشرة🌱

 يناسب البشرة للعادية للجافة 

يقشر ويرطب بنفس الوقت.

بطل الريحة + النتيجة المتوقعة ♥

من الماسكات المثالية قبل الميك آب يعطون نضارة وينعمون البشرة بدون جفاف.

‎طريقة استخدمهم:

‎ يوضع على بشرة نظيفة ومبللة ثم مساج خفيف، نخليه على البشرة لمدة 10-15دقيقة ثم ينغسل بالماء

المنتجات الكورية للبشرة دائما تفوز بنظري 👏

متوفر هنا

 

essence lash princess mascara

ماسكارا من اسنس

اسنس من ماركات الدرستور الرخيصة جدا 

اذكر قبل كانت منسيه هالماركة ماحد يطل فيها

أذكر جربت من عندهم ايلاينر بفرشفة مان سيئ الصراحة اذا رسمت خط مسح اللي قبله!!!

بس لما طاحو فيها حاليا قلت بعطيها تجربة ثانية

وجربت هذي الماسكرا منهم

مكتوب عليها فوليوم مسكرا المفروض تركز على كثافة الرموش

شكل الفرشة غريب كل جهة شكل مختلف بأول استخدام حسيت ماعرفت لها

لكل بعدين طلعت سهله

تعطي طول وكثافة حلو بمقارتة بسعرها

مشكلتها الوحيدة ولاحظت أغلب مسكرات اسنس

أنها تطيح كم رمشة اذا أزلت المكياج!

بالذات بأول الاستخدام

آفضل ماتستخدم يوميا لهذا السبب

Oval Brush 5 Piece Set

مجموعة الفرش الاساس البيضاوية

اشتهرت هذي الفرش مره عند الميك اب ارتست

 جربتها من باب الفضول ماكنت اتوقع منها نتيجة بالذات اني احب تأثير السبونج على الفاونديشن أكثر من الفرش

: هو بالغالب الفرق بين الفرش والسبونج

السبونج تخلي الفاونديشن يبين أخف على البشرة ويعطي مظهر طبيعي أكثر

وأفضل لو كان ثقيل وتغطيته فكل كفرج عشان ماتمتصه السبونج 

يعيب السبونج انها تمتص شوي من الفاونديشن

بينما الفرش تعطي تعطية أكبر وتناسب الفاونديشنز اللي قوامه خفيف 

سريعة بالدمج بعد

بس مشكلتها ممكن تبين الفونديشن مخطط على البشرة

بس لما اللي جربت هذا النوع من الفرش وقعت في غرامها

 تجنن مره عطتني تأثير السبونج عالبشرة بدون لا تمتص الفاوديشن

غير انها سريعة مره بالتوزيع

جربتها للفاونديشن والكونسيلر بطلة

أول أنا مع كل ميك اب حتى لو سريع وبسيط اغسل السبونج وأبللها

حاليا استغنيت عن هالحركة صرت استخدم السبونج بالمناسبات 

ملمسها ناعم وسهله الاستخدام.

Nyx foundation mixer👍

هذا اللي صدق أكثر شي متحمسة له بكل الطلبية أذكر من أول ماشفته قلت وااااو الفكرة رهيبة

وطلبته بدون ماابحث عنه ولا حتى سمعت أحد جاب طاريه مصحح للون الفاونديشن فكرته انه تخلط نقطة منه مع الفاونديشن عشان يصحح اللون للي تبين أخذت درجة فاتحة ودرجة أغمق الغامق مو بس يغمق درجة اللون يخليه دافي أكثر جربت أخلطه مع كريم اساس علي رمادي وصحح درجته صار دافئ أكثر😍

بطل ياهو أنقذني مره.

ينفع مره لي تحب تسوي تان بدال لاتغير الفانونديشن وتشتري أكثر من درجة نقطة منه لين توصل للونها.

متوفر هنا

Real techniques Diamond sponge 💎

جربت الدايموند سبونج من ريل تكنيكس 😍

بللتها بالموية وعصرت باقي الموية زي اي سبونج كبر جحمها دبل وصارت ناعمة ولينه 💕

جربت توزيع الفاونديشن +الكونسيلر + الكونتور الكريمي + البلشر الكريمي + بودرة تثبيت تحت العين😍👍

كله باسفنجه وحدة تغني تقريبا عن خمس فرش وجه😌

لاحظت يناسبها اكثر الفاونديشن اللي تغطيته ثقيلة!

لانها تمتص شوي من الفاونديشن 🤔

نقعتها بشوي صابون ومويه ابي ترجع جديدة💎✨

المهم انها مره جميلة بالتوزيع وسريعة حبيتها مره😍

متوفر هنا

وبس والله .

أغلب الأشياء اللي ذكرتها وفرتها لكم على طلبكم ببوتيكي 

هنا

هير افكت بلوق

Her Effect Blog

twitter + instagram +snapchat = hereffect