fragrantica for fragrances / موقع fragrantica للعطور

ياأهلا وسهلا ..

موقع fragrantica  موقع طحت عليه بالصدفة من كم سنة و صرت مستحيل اشم ريحة عطر آو اشتري بدون لا ادخله.

مثلا العطر الجميل  pink sugar من مفضلاتي له فتره🙊💕

فيه يوتيوبر ذوقها بالعطور مثل ذوقي

مدحت مره هالعطر وكان ودي اجربه بس مالقيه عندنا☹️

لما تخيلت ريحة العطر ايش بتكون تهورت و طلبته بدون مااشم ريحة🙊❤️

ولما وصلني كان شعور حلو انه ريحته مثل اللي تخيلته😍

وصار من مفضلاتي اعشقه بعد الشور بالذات وقبل النوم احب ارشه على المفرش🙊❤️

وطبعا لما ضبطت الحركة صرت اتهور وطلبت مره لامي عطور بدون لا نشمها بس من مكوناته في الموقع😂

وانصدمنا انه طلع مثل مانبي واحلى😍😂💕

ندخل على الموقع

هنا 

ونحط اسم العطر في خانة البحث

 حطيت عطري كمثال

أول روائح رئيسة للعطر تطلع بالترتيب

هالعطر يعتبر من الروائح الحلوه وفيه ريحة كراميل وفانيلا وبودرة💕

هنا أراء الناس عنه 
وأكثر فصل مناسب له هذا العطر واذا صباحي أو مسائي.

ووصف بسيط عن العطر متى أصدر والروائح الأساسية فيه وغيرها.

وهنا اهم نقطة ✨

يبين ايش الروائح اللي تبرز ف يكل طبقة من نوتات أو طبقات العطر.

العطر عبارة عن ثلاث مستويات من النوتات :

 النوتات العُليآ / Top note 

وهي اول شئ يُشم عند بخ العطر ، غالباً تستمر فترة بسيطة وتختفي من ٥-١٠ دقائق وتبدأ قلب النوتة بالظهور.

المكونات في النوتات العليا بالعادة تكون مميزة وواضحة لإعطاء الإنطباع الاول ، بس هالمكونات سريعة الاختفاء والتبخر.

زي روائح الحمضيات ، المساحيق البودرية ، الزهور الخفيفة .

في عطرنا هنا الجميل أول شي برز ريحة الفواكة الحمضية.

أختي ماتحب ريحة الفواكة الحمضية وأول ماشمته قالت : اف ريحة ليمون .

مع أنه كان مره بسيطة وتبان أول ماينرش

بعدها يبدأ يبان حلاوته وتبدأ تظهر النوتة الوسطى.

 قلب النوتة / Middle note 

تبدأ بالظهور بعد ماتختفي التوب نوت ، غالباً راح تكون بعد ١٥-٢٠ دقيقة من بخ العطر 

مكونات هذي الطبقة اثقل وهي تكون رائحة العطر الاساسي مع قاعدة النوتة

غالباً تكون زهور ذات روائح قويه مثل الياسمين او الغاردينيا او حتى بهارات مثل القرفه.

 القاعدة / Base note 

وهي الطبقة الاكثر تفاعلاً مع الجلد و اللي تخلي العطر يفرق من شخص لشخص

غالباً ماراح تطلع ريحتها الا بعد فترة مو اقل من ٣٠ دقيقه الى ساعة !

حسب حراره الجسم وتفاعل العطر مع جسمك 

قاعدة العطر فيها المكونات اللي تثبت العطر والمكونات الجريئة و القوية

زي البخور، الجلود ، المسك ، خشب الصندل.

اللي عاليمين أراء اللي شموه الروائح اللي لاحظوها بالعطر.

 

هنا يوضح مدة بقاء العطر و فوحانه.

لتقييم الناس له.

أخر شي أراء الناس.

وفيه خيار فوق خانة البحث أسمه notes

هو مفيد إذا تحبين ريحة معينة وتبين تدورين عطر فيه هذي الريحة

مثلا أنا أحب الفانيلا

كتبت في خانة البحث فانيلا

وطلعت كل العطور اللي من مكوناتها الفانيلا

طبعاً تقدرين تبحثين بأي ريحة موجودة بالحياة.

نوع ورد معين عود أخشاب فواكة استوائية اللي يخطر على البال .

من هذي الحركة أكتشفت عطر ديور poison.

 

من الروائح الآساسية البارزة فيه الفانيلا.

وتحت بعد مبين أنه الناس مقيمينه على أنه مره ثابت 

وفعلا عالقه فيني الريحة لين اتروش.

هذي الطريقة بعد مره حلوة تكتشفين فيها النوتات اللي بعطورك المفضلة عشان تعرفين اذا بيناسبك أو لا.

وبعد يخليك تعرفين اذا فيه ريحة ماتحبينها

عن نفسي أكره الياسمين من عرفتني مدري ليش.

فاذا لقيت ان العطر من مكوناته الياسمين أهون عنه.

عاد طلع عطر ديور فيه ياسمين.

فلما شميته بان شي بسيط بس لأن الفانيلا والروائح الثانية طاغية، غطا على الياسمين.

وبس والله .

يارب استفدتو مثل مافادني هذا الموقع. 

أحبكم 

هير افكت بلوق

Her Effect Blog

twitter + instagram = hereffect2

snapchat = hereffect